مبنى "1" الشطر الخامس، حي نيركو دجلة المعادي، القاهرة، مصر
01033309900 الحالات الطارئة

المقالات

المخدرات و حياتنا

صادف في مرة كنت في فرح واتعزم عليك بزجاجة خمر وحباية عشان الفرفشة؟

أو انت مريض سكر في الاربعينات وميلت علي زميلك عشان العلاقة بينك وبين زوجتك مش تمام وعزم عليك بترامادول ونصحك تاخده وقت ما تحتاجه؟

فكرت بقي في انك ممكن تكون دي أول خطوة لتدمير صحتك وحياتك بالكامل ؟

طيب سألت نفسك ان ممكن دوائك اللي بتاخده مع الخمرة او المخدات حتي لو قرص واحد ممكن يتعارضوا مع  بعض ويدمروك؟

النهاردة هنعرف بعض التأثيرات السيئة لبعض انواع المخدرات و تعارضها مع أشهر الأدوية والامراض

الحشيش: علي المدي القصير في خلال ايام يعني من حتة حشيشة ممكن تأثر علي طريقة تفكيرك وحكمك حتي في أبسط القرارات

وممكن يخليك مرعوب من حاجات عادية جدا (عشان الهذيان او التخيلات اللي بيسببها )جنون لشك والارتياب

وكمان بيخليك تفقد الذاكرة واحدة واحدة ده غير انه بيخليك مش عارف نفسك ) يعني ينطبق عليك أغنية أنا تهت مني أنا مش انا حرفيا

علي المدي الطويل بيخليك غير راضي وساخط علي كل شئ طول الوقت واللي ممكن يدخلك في اكتئاب ويزود الانتحار ده غير انه بيزيد الغباء (.

تعارضه مع الأدوية: بيتعارض مع كل أدوية الفطريات التي تؤخذ عن طريق الفم وبتزود سميتها (

والمضادات الحيوية التي تقاوم نوع خطير من الالتهاب الرئوي وبالتالي الوفاة .

الترامادول : بيعمل صرع وصعوبة في التنفس الي حد الاختناق والوفاة وبيتعارض مع أدوية  علاج الاكتئاب لانة بيزود أعراضهم الجانبية واللي ممكن توصل للصرع.

المورفين :بيسبب صرع والهذيان وبيقلل الرغبة الجنسية وبيغير في ضربات القلب للحد اللي يخليك تعبان ومرهق طول الوقت وبيسبب صعوبة في التنفس ) بتزيد مع الاتربة ولو عندك ربو او بتدخن( هتزيد المأساة؟

المورفين بيتعارض مع أدوية الحساسية أو أدوية الكحة اللي فيها مواد مهدئة للكحة وبيزود تأثيرهم اللي ممكن يخليك لو بتركب مكنة او بتشتغل خراط مثلا ما تحسش بنفسك وتجرح أو حتي تموت .

الأفيون: أخطر أثر بيسيبه الأفيون لو استخدم لفترة قصيرة أنه ممكن يسبب عقم للسيدات و الرجال لانهبيمنع الطمث نهائيا وبيمنع تصنيع الحيوانات المنوية. في المدي الطويل بيعمل كتاركت او مياه بيضاء وبيسبب أمراض القلب وطبعا العقم.

الكوكايين:زي أغلب المخدرات،بيأثر علي عضلة القلب حتي انه ممكن يسبب توقف عضلة القلب وله تأثير علي التنفس لحد الاختناق والموت وكمان بيأثر علي القدرات العقلية زي الذكاء والتناغم البصري العضلي والمنطق وبيزيد من العنف كمان بيزود احتمالية الصرع والادمان عليه اللي ممكن مع زيادة الجرعة يسبب تسمم ووفاة .

بيتعارض الكوكايين مع المضادات الحيوية المهمة جدا لمقاومة بكتيريا عنيفة جدا بتهاجم الرئة وغيرها ومضادات الاكتئاب اللي بيزود سميتها وتأثيرها في الدم ) السئ طبعا(.

-الكحول: أسهل أنواع الادمان بيها لكن مشاكلها كتير جدا وخطيرة . الكحول بيزيد من قرح المعدة  والفم لحد الاصابة بسرطان الفم والحلق. الفشل الكبدي مصاحب لأغلب مدمني الكحول ده غير أنه بتأثيره المدمر علي الكبد فهو بيزيد تأثير أدوية    خطيرة زي مضادات الاكتئابوالفطريات والمخدرات الاخري.

كمان بيسبب فقدان في الذاكرة ،وبيقل في وظائف التنفس وحتي ممكن يزود الاذي الناتج عن مسكن زي البارامول ويسبب فشل كبدي.

أنشر هذه المقالة